ILEI Konferenco jam preskaŭ komencas!

Alsendita per: Magdalena Tatara

Fwd: ILEI-konferenco - ambau: amuzo kaj scienco! - Program0.

---------- Forwarded message ----------

From: Aida Cizikaite <aiduze@gmail.com>
Date: 2009/7/15
Subject: ILEI-konferenco - ambau: amuzo kaj scienco! - Programo

***************************
Saluton!

Bonvolu disvastigi - sendi al dissendolistoj, publikigi en retpaĝoj kaj gazetoj.

Dankon!

**************************************

En la plej granda e-aranĝo UK partoprenas kelkmil da homoj kaj okazas pli ol 100 programeroj.

En EEU ĉijare partoprenis ĉirkau 400 homoj kaj okazis ĉirkau 100 programeroj.

Sekve, 1 programero por 4 aŭ eĉ 20-30 homoj....

En ILEI konferenco ĉijare okazos minimume 103 programeroj (kelkaj el ili konsistos el kelkaj partoj, unu el ili el 17).

Nur en ILEI konferencoj partoprenantoj povas senti sin tiom prozorgataj, kie okazas almenaŭ po 1 programero por ĉiu partoprenanto.

VENU KAJ KONTROLU!

Prelegoj

Seminarioj

Diskutrondoj

Ekzamenoj

Metiejoj

Ekskursoj

Ekspozicio

Skajpkonferenco

Simpozio

Renkontiĝo de universitataj instruistoj

AIS sesio

Lingva Festivalo

Komuna kantado

Koncertoj

Danclecionoj

Amikaj rondoj/distraj programoj

Aligatorejo

Koncertoj

Simpozio

k. t. p.

ILEI-KONFERENCO ― AMBAŬ: AMUZO KAJ SCIENCO!

Por konvinkiĝi, ke ni estas fidelaj al nia slogano, bonvolu mem vidi la programon.

Ĝi troviĝas en retpaĝo de ILEI http://www.ilei.info/konferenco/2009/Horaro_Krakovo.pdf

Informoj pri la konferenco, ĝia programo, urbo, partoprenkondĉoj en http://www.ilei.info/agado/Krakovo.php
Reta aliĝilo en http://ilei.info/konferenco/alighilo2009.php Vi ĉiam estas bonvena skribi al: Malgosia J. Komarnicka margareta.ilei.pollando@gmail.com ― ĉefa loka organizanto, Radojica Petroviĉ radojica.petrovic.rs@gmail.com ― prezidanto de ILEI, Sjoerd Bosga sjoerd@esperanto.se ― kasisto de ILEI.

Organizantoj

ILEI Konfereco en Pollando-Krakovo Komenciĝas

Alsendita per: Małgorzata J. Komarnicka
Gazetara komuniko: por tuja uzo
ILEI jubileas en krakova konferenco

Disvolviĝas la 42a Konferenco de ILEI – la Internacia Ligo de Esperantistaj Instruistoj – en la renoma sud-pola urbo Krakovo. En ĉi tiu parto de la mondo la konateco de Esperanto en la ĝenerala publiko estas relative alta. Tion atestas fragmento el la saluta alparolo de prof. d-ro habil. inĝ. Wlodzimierz Roszczynialski, la rektoro de la Supera Lernejo de Direktado kaj Bankismo, kiu liveris al ILEI la konferencejon. Post mallonga prezento de la lernejo, li aldonis (esperante): „Kun ĝojo kaj plezuro mi bonvenigas la partoprenantojn de la Esperanto-

Konferenco, kun ĝojo des pli granda - ĉar en la jaro 1963, kiel junulo, mi partoprenis Internacian Esperanto-Kongereson en Gyula (Hungario). Tiu ununura, bedaŭrinde, kontakto kun tiu lingvo lernigis al mi grandan respekton kaj admiron por Vi, kiuj en universala mondo, trovas ĝojon pro renkontiĝoj en spirito de Zamenhof.”

Alvenis plie salutmesaĝo de la Alta Protektanto de la konferenco, s-rino Katarzyna Hall, la ministro de la Nacia Klerigado de Pollando, kiu interalie skribis: „Esperanto estas la plej disvastiĝinta projekto de internacia lingo, kaj tial via pedagogia klopodo koncentrita sur edukadon por Esperanto kaj edukadon per Esperanto estas ege grava. Esperanto estas lingvo kies celo estas faciligi komunikadon inter homoj de diversaj kulturoj kaj nacioj, pro tio grandegas la rolo de esperantistaj instruistoj en la akcelado de toleremo kaj respekto.”

Precize tiu ideo kernas en la ĉi-jara konferenca temo: ‘La pedagogio de Esperanto antaǔ la defioj de interkultura komunikado’. La prelego de la prezidanto de ILEI, s-ro Radojica Petrovic, tuŝis kaj profundigis tiun temaron, ligante ĝin kun la sesdekjariĝo de la ligo, fondita en 1949. Interalie li diris: „Niaj konferencoj estas ne nur loko kie renkontiĝas esperantistaj pedagogoj por interŝanĝi siajn fakajn spertojn kaj ideojn, sed ankaǔ malfermita pordo tra kiu ĉiam pli fluas kunlabora interŝanĝo inter la kulturo de Esperanto kaj aliaj kulturoj el kaj inter kiuj ĝi kreiĝis kaj daǔropove evoluas. Ĝuste tiu interkultura malfermiĝo de Esperantujo kaj rekonsidero de stereotipaj perceptoj pri Esperantujo kiel laǔaksioma interkulturaĵo apartenas al la akutaj defioj antaǔ la pedagogio de Esperanto.”

La krakova televido filmis parton de la malfermo kaj sekva faka prelego; ĵurnalista raportisto venos en sekvaj tagoj.

Parte pro la liga jubileo, la faka programo de la konferenco estas eksterkutime riĉa, ofte kun tri prelegoj aǔ sesioj samtempe. Aparta fenomeno estis uzo de skajpo por realigi du prelegojn kun posta diskuto flanke de nepartoprenantaj fakuloj el Nederlando kaj Slovakio. La ekskursa programo simile buntas, kun celoj i. a. Krakovo, Zakopane, salminejo Wieliczka kaj Oświęcim (Auschwitz).

Kadre de la konferenco okazos ĵaǔde simpozio, kunorganizita de ILEI kaj kvin polaj universitatoj kaj altlernejoj. Programaro de AIS enkadriĝas en la konferenco. Dum la komitatkunsidoj de ILEI merkrede, okazos elekto de nova liga estraro. La konferenco havas pli ol sepdek kvin partoprenantojn el trideko da landoj.

Pliaj informoj:
margareta.ilei.pollando@gmail.com

**********************************************

Trejna E-Instruista Kurso en Pola Universitato

Trejna kurso por E-instruistoj en Poznan, Pollando
--------------------------------------------------

Universitato Adam Mickiewicz en Poznań kaj ILEI invitas al dusemestra
kurso pri E-instruado, kiu disponigas la bazajn konojn necesajn por
instruado de Esperanto kaj trejnos la partoprenantojn pri metodiko.

Limdato por aligxoj: la 31-a de auxgusto!

Perfektigu viajn pedagogiajn kaj metodikajn sciojn kun spertaj
instruistoj kaj kolegoj!
Akiru informojn pri novaj teknikoj kaj iloj por pli efike kaj moderne
instrui nian lingvon!

Partoprenu trejnadon pri Esperanto-instruado dum dufoje unu semajno en
la universitato de Poznań. Krom la metodika trejnado vi havos eblon
ricevi sperton ankaux pri Esperantaj kulturo, literaturo, lingvistiko
kaj partopreni kulturan arangxon.
                    
La kursaro necesigas partoprenon dufoje en la surloka intensa semajna
sesio (la 1-a  okazos en septembro de 2009, la 2-a en februaro de 2010)
kaj intertempan hejman laboradon, retan konsultadon kun la kursgvidantoj
kaj pretigon de laborajxo pri metodika temo, kies prezento kun la fina
ekzameno okazos en  septembro 2010. Kursfinintoj ricevos diplomon de
ILEI pri instruista trejnado.

Kondicxoj: bona lingvoscio (min. B2, atestilo pri Esperanto-ekzameno
estas bonvena) kaj baza kono de Esperanta
kulturo, krome finita  mezgrada lernado (tipo de abiturienta ekzameno).

Partoprenkotizo: por A-landanoj: 360 EUR, por B-landanoj 130 EUR por unu
semestro.

Informo kaj aligxo: interlin@amu.edu.pl

---------------

EL LA PROGRAMO

Lingvopedagogio  (Katalin Kováts, Maria Majerczak, Zsófia Kóródy, Ilona
Koutny):
- Bazaj faktoroj de lingvopedagogio (instrumetodoj, instrupocezo,
evoluigo de kapabloj, taksado, lingva
interfero, ktp.)
- Esperanta metodiko (instruado  de elparolo, gramatiko, vortoprovizo
kaj kulturo, planado de lecionoj kaj kursoj, ktp.)
- Instruhelpiloj (de instruista kofro tra eldonajoj, filmoj gxis
retkursoj)
- Esperanta kulturo  (Tomasz Chmielik, István Ertl, Aleksander
Korjxenkov, Ilona Koutny)
- Plej gravaj eventoj de la historio de Esperanto
- Cxefaj periodoj de E-literaturo
- Tiklaj punktoj de E-gramatiko
- Lingva trejnado (per testoj)
- Donaco: partopreno en la aktualaj kursoj de la Interlingvistikaj
Studoj

Informoj kaj aligxo: interlin@amu.edu.pl

laux [esper-inform] kaj [edukado.net]

-----
fonto: Ret-Info
      http://www.eventoj.hu

Bravojn Klaus!

Bravojn al tiu ĉi grandvalora, samslava ĉeha patrioto. Mi nur arde deizras, ke almenaŭ la samon, se ne eĉ pli, faru Polaj politikistoj, almenaŭ iuj el tiuj ĉi kiuj ankoraŭ ne tute perfidis sian Patrujon, Pollandon.
Fonto: http://europacivitano.wordpress.com/2012/09/15/klaus-rifuzas-la-planon-de-la-europa-federacio/#more-1381

Klaus rifuzas la planon de la Eŭropa Federacio

Vaclav Klaus ĉeĥa ŝtatestro: “Mi kategorie rifuzas ĉi tiun planon de Barroso.”

Vaclav Klaus ĉeĥa ŝtatestro rifuzas la planon de la Eŭropa Federacio, kiun Jose Manuel Barroso la prezidanto de la Eŭropa Komisiono skizis en sia merkreda parolado en la Eŭropa Parlamento.
“Mi kategorie rifuzas ĉi tiun planon de Barroso. La ununura afero, kiun mi opinias pozitiva estas tio, ke unuan fojon li konfesis aperte, ke kio estas la vera celo de tiuj, kiuj proponas pli profundan eŭropan integriĝon.” -diris Klaus en tiu ĉi intervjuo, kiun komunikis ĵaŭde la ĉeĥa novaĵportalo Novinky.
Klaŭs asertis: “Ĝis nun ĉi tiun Barroso kaj la simile pensantoj sekretis antaŭ la eŭropa publiko. Ni (Ĉeĥio) en 2004 aliĝis al la Eŭropa Unio kaj ne al ia Federacio, en kiu ni fariĝos sen-peza provinco.”-aldonis la ĉeĥa politikisto, kiu estas konata kontraŭanto de la pli profunda eŭropa integriĝo.

Jose Manuel Barroso:” La Eŭropan Union ni devas transformi al federacio de naciaj ŝtatoj.”

Al tiu ĉi demando, ke ĉu Ĉeĥio devus aliĝi al eventuala federacio kaj tio kiom danĝerigus la suverenecon de la lando, Klaus eksplikis: “Ni certe ne devus aliĝi al tio. Male, ni devas pripensi, ke kiel ni renovigu nian ŝtatecon kaj suverenecon. Tiu afero en iaspeca federacio estas neebla. La opini-sondadoj montras tion, ke la signifa parto de la loĝantaro apogus la disiĝon de la Eŭropa Unio, sed la tiaj homoj, kiel Barroso, tiun ne volas ekaŭdi.”
Barroso en sia merkreda parolado en Strasburgo emfazis, ke Eŭropo bezonas novan direkton kaj ke ne per la rimedoj de la estinteco devas solvi la problemojn de la estonteco.

Aŭtoĥtona Aŭstralia Barkboato

Prezento kaj traduko per: Zbigniew Wybraniec
Fonto: http://youtu.be/X2A0lMiuCUs

Jen estas la unua en tiu ĉi serio projekto. Ĝi estas la dek-kelkminuta filmeto ĉe YouTube pri tio ĉi, kiel estas farata la arboŝela kanoto (barkboato), laŭ la metodo de Aŭstraliaj Aborigenoj.

Jen la filmeto kun la el-angligita komento de ties prezentinto, por ke ĉiuj povu kompreni pri kio temas. Cetere, la filmeto mem estas farita sufiĉe bone, tiel ke oni povas kompreni pri kio temas, eĉ se ne komprenante angle eĉ unu vorton




Sube sekvas elangligita komento de la publikiginto de la supera filmeto ĉe YouTube. La filmeto estas de la porpublika, eduka kategorio.

Publikigita je: Jul 15, 2012 per, Stu Tube.

Historiistoj, Jim Walliss, kaj la instiginto, Diego Bonetto, kunlaboras kun la artistoj, Steve Russell, and Noel Lonesborough, el la Aborigena Korporacio "Boolarng Nangamai", por antaŭpreni ĉalenĝon de la konstruo de la tradicia (Aborigena) kanoto (barkboato) de Jervis Bay, el la barko (arboŝelo) de la "stringybark tree", la ŝnurbaka arbo, elfontigita ĉe la bienego de Bundanon.

--------------------------------------------------------------------------------­----------------------------------------------------
komento de la prezentanto:
Stu Tube ....

Granda lertaĵo. Kiam mi unue vidis tion farita, ĝi estis faraĵo de Les Hiddens, "The Bush Tucker Man". En tiu ĉi videofilmo, la arbo kiun ili usis estas "stringy bark tree", kiu estas la aŭtoĥtona Eŭkalipto.

Kiam oni elŝeligas la barkon ĉe nur unu flanko de la arbo, tio ĉi ne mortigos ĝin. Mi pensas ke tio ĉi estas miriga, kaj mi povas imagi la Aborigenan popolon farantan tiujn aĵojn por moviĝadi ĉirkaŭen. Tie, en la humida kaj malseka land-parto, ĉe la Nordo, ili estis uzataj tute vastskale kiel la rimedoj por transporto dum la malseka sezoro, ankaŭ kiel speco de la ĉasplatformo, por ĉasi tradician veprej-manĝaĵon "bush tucker (food)" Kiu estis, kaj plu estas ĝis nun, abundantaĵo en tiuj tereno-tipoj.

La finaĵoj de tiu ĉi barkboato estas plenigataj per la rezino el la aŭtoĥtona grasarbo "grass tree", kiu apartenas al la biologia genro "Xanthorrhoea". Alia nomo por ĝi estas: "black boy" kiu estas nomo gajnita tial, ke la maristoj de la unua ŝiparo atinginta aŭstralion pensis ke ĝi estis Aborigeno staranta tie ie, kun lanco en sia mano, ĉar ili havas tre longan tigon, kiu elkreskas el centro, kaj havas la semo-kapon alte ĉe ties pinto. Tiel aŭ aliel, la interesa aĵo estas tio ĉi ke tiuj ĉi gras-arboj povas esti uzataj ankaŭ kiel orientigilo en la tereno, ĉar ili ĉiam floras ĉe la norda direkto, en la eta strio (almenaŭ mi pensas ke tio ĉi estas nordo...)

La abela vakso estas uzata ankaŭ, kiel pakaĵo kontraŭ la akvo-likoj, por plenorigi truojn en la boat-ŝelo post kiam la boataj finaĵoj estis kunkudritaj. Tiu ĉi abelo mem, estas ankaŭ aŭtoĥtona. Ĝi estas la sen-pikilo-hava abelspeco, de la biogenro Trigona (povas esti ke mi misliterumis tion). Ili produktas mielon el la aŭtoĥtona floro, ĝi estas tre riĉa kaj malhela, kaj ĝi estas konata al iom da aborigaj popoloj kiel la, sukero-sako "sugar bag". Ĝi estas tre fidinda fonto de la vitamino C, kiu evidente per si mem, estas grava en la dieto por halti kaj kuraci la skorbuton.

Do jen la informo al ĉiuj tiuj kiuj devenas el la transmaroj, el eksterlande. La malhelhaŭtaj popoloj (de Aŭstralio) estas aŭtoĥtonaj Aŭstralianoj, nomataj Aborigenoj, ili estas la tradiciaj proprietuloj de tiu ĉi bonega kontinento kiun ni nomas la Aŭstralio. Se temas pri konstruado de la tradiciaj kanotoj, kiel tiu ĉi prezentita supre, mi dirus  ke tio ĉi estas, tre malbonfortune, la formortanta arto. Tiuj scioj devus esti transdonataj al pli junaj generacioj. Tiel aŭ aliel, tio ĉi estas bonega, malgranda filmodokumento, kaj dankon al la homoj kiuj ĝin kunmetis, almenaŭ de mi, mi povus babilaĉi pri tiutipaj aferoj tutan tagon senlace. Mi simple amas tiujn temojn kaj aferojn!

Nur imagu, kiom da tempo tio ĉi postulus por fari per tradiciaj ŝtonaj hakiloj :)

Krediton al, nobodywho, bonvolu viziti ilian ĉanelon por pli da videofilmoj kaj donu al tiu ĉi filmo la "like" ĉe ilia ĉanelo, dankon!

Category:

Howto & Style
License:
Standard YouTube License

Tempo, Alternativa Valuto de la Mizerigitoj - Senpera Interŝanĝo de la Servoj kaj Varoj

Hispanoj kreas alternativan valuton ekster de cirkulado de la Eŭro.

 Elpoligis: Zbigniew Wybraniec

Fonto: http://finanse.wp.pl/kat,102634,title,Hiszpanie-tworza-alternatywne-pieniadze-poza-obiegiem-euro,wid,14877746,wiadomosc.html

  

(fot. Jupiterimages)

  Hispanoj sukcesas kontraŭbatali krizon per la ne konvencia maniero, kreante monan alternativon kontraŭ la Eŭro, negocante inter si per la metodo "laboro kontraŭ laboro", do uzante la alternativan valuton en kiu interŝanĝa valoro estas la tempo - skribis marde "Washington Post".

Por iu laboro farita en Barcelono oni povas ricevi pagon difinitan - ekzemple - kiel "10 horoj". Tio ĉi estas "kreditreto" respektata en tuta la urbo - tiel difinas tiun ĉi alternativan pagosistemon la vaŝingtona taggazeto.

Ricevinte iun kvanton da "horoj" oni povas interŝanĝi ĝin: ĉe la hartondisto, kontraŭ la leciono pri jogo aŭ eĉ la mendi ion ĉe la lignaĵisto.

Dum la tempoj kiam sekvonteco de la eŭro estas malcerta, milionoj da Hispanoj ne havas laboron, oftege laboras nur partotempe, kaj dum estas malfacilaĵoj kun la mon-hav-eblecoj, en certaj regionoj de la lando komencis disvolviĝadi la "paralela mastrumo" kiu allasas homon vivi "ekster de la komuna valuto" de la eŭro strefo - skribas "WP".

Loĝantoj de la urbo Malaga kreis la interretan portalon, kiu ebligas perlaboradon, enspezadon kaj elspezadon per la virtuala valuto. Laŭvice, en Barcelono plej bone akceptiĝis modelo de la "tempo bankoj", allasanta interŝanĝi servojn sen la partopreno de mono.

  

- Tio ĉi estas vivmaniero por la homoj, kiu ektroviĝis je marĝeno de la mastrumsistemo - diras en sia interparolo kun la "WP" koordinantino de la Hispana Reto de la Tempo-Bankoj, Josefina Altes.

En Hispanio ekzistas kurantatempe 325 "tempo bankoj", kaj aliaj alternativaj valutaj sistemoj, en kiuj partoprenas dekmiloj da personoj. Resume, tiuj projektoj prezentas per si unu el inter la plej grandaj en la mondo eksperimentoj, demonstrantaj uzon de la "socia mono" - skribas la vaŝingtona gazeto.

- Tio ĉi ne estas nur iu malespera maniero je travivo de la kuranta inkuba noktomaro de la konomia krizo, sed ankaŭ parto de iniciativoj pri la kooperativoj, kretit-unioj, komunumaj bankoj, alternativaj (organic) bienoj, kaj reaktivado de la fabrikoj - de la alterntiva mastruma ekonomio - al kiu celas la movado Okupu (la movado de la Indigniĝintoj) - diras lekciisto ĉe la Universitato en Liverpool, Peter North. 

30 jaraĝa komputila teĥnikisto Sergi Alonso, kiu ne sukcesis trovi plentempan laboron helpas - per la sistemo de la "tempo bankoj" - al ne kalkulebla nombro da najbaroj fondi interretajn paĝojn kaj solvi problemojn kun ties ekipaĵo. Tiuj homoj pagas lin per diversaj servoj - de instruado pri la grafika projektado, ĝis la piano lecionoj.

- "Tempo Bankoj" allasis homojn rememori pri tio ke, sendepende de tio ĉi kiajn kapablecojn kaj sciojn vi havas, vi ĉiam havas ion por oferi al la aliaj - diris Alonso.

Komuna filozofio de tiuj bankoj apogiĝas je tio ĉi, ke ĉiu el inter ni valoras la samon, "eĉ se oni estas la kuracisto" - resumas la vaŝingtona gazeto. 

Vojaĝoj tra Azio kaj la UK en Vjetnamio

Ricevita de: Andrzej Grzębowski
andreo@rubikon.pl 

Esperanto vojaĝoj tra Azio somere 2012

Lige kun 97-a Universala Kongreso de Esperanto en Hanoi – Vjetnamio kaj 22-a Internacia Kongreso en Hainan Insulo – Ĉinio, Internacia Klubo “Esperantotur” en Bydgoszcz – Pollando aranĝis vojaĝojn lau kelkaj variantoj dum 22.07-12.08.2012 tra Ĉinio – Vjetnamio – Hainan Insulo ĝis Hongkongo.

La unuan etapon dum 22-27.07.2012 partoprenis ne nur pola-afrika grupo de Esperantotur, sed ankaŭ internacia Esperanto-karavano el Moskvo tra Siberio – Mongolio – Ĉinio  ĝis Vjetnamio kaj grupoj de mongolaj kaj ĉinaj esperantistoj. Post komuna vizitado de Beijing (Pekino) ni trajnvojaĝis pli ol 2500 km tra Wuhan ĝis Nanning kaj de tie buse al ĉina-vjetnamia landlimo. En la internacia buso estis prezentita i.a. nova filmo de red. Roman Dobrzynski en Esperanto “Tagoj de Bydgoszcz 2012”, kiu prezentas ankau agadon de Internacia Studumo pri Turismo kaj Kulturo - Klerigejo de AIS en Bydgoszcz. 

La ĉinan-vjetnaman landlimon necesis trapasi piede por eniri poste vjetnamiajn busetojn, kiuj veturigis nin al Hanojo. Pozitive ŝokis nin tre afabla landlima kontrolo de vjetnamianoj, kiuj rapide nur ŝtampis pasportojn, eĉ ne kontrolante vizaĝojn de niaj grupanoj.

La dua etapo okazis jam en Hanojo – la ĉefurbo de Vjetnamio dum 97 UK 28.07-4.08.2012. Detalajn raportojn pri la sukcesa 97 UK Vi certe jam legis – mi nur aldonu, ke lau mia opinio (mi partoprenis ĝis nun 41 UK-ojn de Esperanto), la 97 UK apartenis al la plej sukcesaj Universalaj Esperanto-Kongresoj. Kvankam, ke ĝin partoprenis malpli ol 1000 kongresanoj, Esperanto-etoso estis tre bona, ni kongresis ĉefe en luksa hotelo MELIA, la plej ofte en almenau 4 salonoj samtempe. 

Sola malavantaĝo estis perdo de tempo por busa transportado al ĉefa Zamenhof-Salono en Politekniko de Hanojo. Tamen elstaris bonega kaj riĉega akcepto de preskau 200 kongresanoj ĉe la Urbestro de Hanojo kaj la plej vasta flago-informado en Hanojo – kie estis pendigitaj certe pli ol mil Esperanto kaj vjetnamiaj paneloj pri la 97 UK, do, pli ol nombro de kongresanoj, ĉar multaj rezignis veni pro altaj flugkostoj. Tial Esperantotur-grupo flugis al Pekino kaj reflugis el Hongkongo, ĉar tiel ni ŝparis pli ol 500 USD po persone, kio sufiĉis preskau por senpaga vojaĝo tra Ĉinio. 

Dum semajno de la 97 UK ni faris kelkajn ekskursojn – ĉefe en fama Ha Long-Golfo, kie ni ŝipekskursis, bone manĝis kaj vizitis ankau novan luksan ripozcentron Tuan Chan. En Hanojo ni vizitis Malnovan Urbon de 36 stratoj kun fama Templo de Redonita Glavo, Muzeojn de Literaturo kaj Etnologio de 54 nacioj, Mauzoleon kaj Muzeon de Ho Chi Minch kaj 4 belajn templojn de Hanojo. La turisman programon kompletigis unika pupteatra spektaklo en Thang Long Hanoi. 

Post la fermo de la 97 UK ni revenvojaĝis la 4.08.2012 samvoje al Nanning en Ĉinio, de kie Esperantotur-grupo veturis por 22-a Internacia Esperanto-Kongreso en Hainan Insulo en Ĉinio kaj ĉina, mongola kaj nepala grupoj norden – hejmen. 

Entute niajn vojaĝojn partoprenis pli ol 50 esperantistoj el 4 kontinentoj – Azio, Afriko, Norda kaj Suda Ameriko kaj Europo. 

Dum la 22-a Internacia Esperanto-Kongreso ni vojaĝis de Nanning buse al Beihai, de tie prame al Haikou – ĉefurbo de Hainan-provinco, buse tra la Insulo Hainan  al Sanya – la plej fama pli ol duonmiliona ripozloko de “Ĉinaj Havajoj”, kie hotelprezoj vintre estas kelkfoje pli altaj ol somere kaj kie eblas aĉeti la samajn ĉinajn vestaĵojn kiel ĉemizoj en Honolulu (Havajoj), eĉ kun similaj prezoj. 

Tie ni vizitis faman Parkon ĉe ĉina fino de la mondo – Tianga Hayiao, la plej longan - 7 kilometran, belegan plaĝon Yalong Wan kaj alian en Dadonghai-kvartalo, kie regas, krom ĉina, ĉefe rusa lingvo, ĉar malpli kostas flugi el Siberio al Sanya, ol ekz. al rusa Soĉi. 

Post ripozo en Sanya ni daurigis per litvagonaro al Guangzou (Kantono), de kie buse al Hongkongo, kaj fine, ni reflugis tra Moskvo al Varsovio. La tutan Esperantotur-vojaĝon en Ĉinio kaj Vjetnamio prizorgis kaj bone gvidis en Esperanto S-ro Jianguo Liu – estro  de Ĉina Esperanto-Instituto en Hefei, samtempe Vicprezidanto de nia Internacia Klubo Esperantotur, al kiu ni tre kore dankas.

Se Vi volas labori kiel Esperanto-vojaĝgvidanto, aliĝu por studoj 2012/2013 en Internacia Studumo pri Turismo kaj Kulturo  - Klerigejo de AIS (Akademio Internacia de la Sciencoj) en Bydgoszcz, Pollando, kaj, se Vi volas vojaĝi kun Esperantotur en 2012 kaj 2013 – pluraj Esperanto-vojaĝoj atendas Vin – kontaktu nin!

Kore salutas

Andrzej Grzębowski                     

Prezidanto de Internacia Klubo Esperantotur

en Bydgoszcz, Pollando,

rete: info@esperanto.bydgoszcz.eu