Gazetara komuniko: por tuja uzo
ILEI jubileas en krakova konferenco
Disvolviĝas la 42a Konferenco de ILEI – la Internacia Ligo de Esperantistaj Instruistoj – en la renoma sud-pola urbo Krakovo. En ĉi tiu parto de la mondo la konateco de Esperanto en la ĝenerala publiko estas relative alta. Tion atestas fragmento el la saluta alparolo de prof. d-ro habil. inĝ. Wlodzimierz Roszczynialski, la rektoro de la Supera Lernejo de Direktado kaj Bankismo, kiu liveris al ILEI la konferencejon. Post mallonga prezento de la lernejo, li aldonis (esperante): „Kun ĝojo kaj plezuro mi bonvenigas la partoprenantojn de la Esperanto-
Konferenco, kun ĝojo des pli granda - ĉar en la jaro 1963, kiel junulo, mi partoprenis Internacian Esperanto-Kongereson en Gyula (Hungario). Tiu ununura, bedaŭrinde, kontakto kun tiu lingvo lernigis al mi grandan respekton kaj admiron por Vi, kiuj en universala mondo, trovas ĝojon pro renkontiĝoj en spirito de Zamenhof.”
Alvenis plie salutmesaĝo de la Alta Protektanto de la konferenco, s-rino Katarzyna Hall, la ministro de la Nacia Klerigado de Pollando, kiu interalie skribis: „Esperanto estas la plej disvastiĝinta projekto de internacia lingo, kaj tial via pedagogia klopodo koncentrita sur edukadon por Esperanto kaj edukadon per Esperanto estas ege grava. Esperanto estas lingvo kies celo estas faciligi komunikadon inter homoj de diversaj kulturoj kaj nacioj, pro tio grandegas la rolo de esperantistaj instruistoj en la akcelado de toleremo kaj respekto.”
Precize tiu ideo kernas en la ĉi-jara konferenca temo: ‘La pedagogio de Esperanto antaǔ la defioj de interkultura komunikado’. La prelego de la prezidanto de ILEI, s-ro Radojica Petrovic, tuŝis kaj profundigis tiun temaron, ligante ĝin kun la sesdekjariĝo de la ligo, fondita en 1949. Interalie li diris: „Niaj konferencoj estas ne nur loko kie renkontiĝas esperantistaj pedagogoj por interŝanĝi siajn fakajn spertojn kaj ideojn, sed ankaǔ malfermita pordo tra kiu ĉiam pli fluas kunlabora interŝanĝo inter la kulturo de Esperanto kaj aliaj kulturoj el kaj inter kiuj ĝi kreiĝis kaj daǔropove evoluas. Ĝuste tiu interkultura malfermiĝo de Esperantujo kaj rekonsidero de stereotipaj perceptoj pri Esperantujo kiel laǔaksioma interkulturaĵo apartenas al la akutaj defioj antaǔ la pedagogio de Esperanto.”
La krakova televido filmis parton de la malfermo kaj sekva faka prelego; ĵurnalista raportisto venos en sekvaj tagoj.
Parte pro la liga jubileo, la faka programo de la konferenco estas eksterkutime riĉa, ofte kun tri prelegoj aǔ sesioj samtempe. Aparta fenomeno estis uzo de skajpo por realigi du prelegojn kun posta diskuto flanke de nepartoprenantaj fakuloj el Nederlando kaj Slovakio. La ekskursa programo simile buntas, kun celoj i. a. Krakovo, Zakopane, salminejo Wieliczka kaj Oświęcim (Auschwitz).
Kadre de la konferenco okazos ĵaǔde simpozio, kunorganizita de ILEI kaj kvin polaj universitatoj kaj altlernejoj. Programaro de AIS enkadriĝas en la konferenco. Dum la komitatkunsidoj de ILEI merkrede, okazos elekto de nova liga estraro. La konferenco havas pli ol sepdek kvin partoprenantojn el trideko da landoj.
Pliaj informoj:margareta.ilei.pollando@gmail.
**********************************************
valorojn de la praarbaro estis Metody Romanow (Metodi Romanov) - arbaristo, okultisto kaj ekologo. Li laboris tie, en la 1925-a jaro fascinita de la loko publikigis la libron: "La spiritaj trezoroj de Bialowieza Praarbaro". Li proponas vidi ĝin ne kiel produktejon de la ligna amaso, sed kiel rezervejon de la spirita energia (Wiedza Duchowa-Katowice). Ne sen kaŭzo niaj prauloj adoris diojn en densaj arbaroj, sanktaj boskoj kaj sur herbejoj. Romanow suspektas, ke la nomo Bialowieza devenas de la dio Bialobog (Blanka Dio). Lechici (Lehitoj) nomis dion "Vidanta Arbo" kaj adoris lin kiel la simbolon "Arbo de Scio". Romanow en sia libro prezentas la metodon de la spirita disvolvo per naturo. La praarbaro estas por li la ekzemplo de la harmonia socia vivo en la natura stato. La kontakto kun la naturo, kompreno de ĝiaj sekretoj helpas al la homo senti la propran spiritan enon. La aŭtoro rimarkis, ke en Bialowieza kaj ĝia regiono estas sekreta amasigo de la natura energio. Li skribis: "Ekzistas en la mondo punktoj, kiuj posedas neklarigeblan forton, kiu influas la animan disvolviĝon de la homo". Tio klarigas, kial la polaj reĝoj protektadis la praarbaron. Radianta Loko de Bialowieza En la 70-dekaj jaroj estis konata la hipotezo de la rusaj sciencistoj Gonczarow, Makarow, Morozow (Gonĉarov, Makarov, Morozov), ke la tera globo havas la strukturon de kristalo. Sur la tero, simile kiel sur la surfaco de kristalo troviĝas punktoj kaj linioj energie aktivaj. Fluas tra ili la energio de la vivo. Pri tiu pozitiva energio de la naturo okupiĝas la fako de la scienco nomata geomancio. La rusaj sciencistoj malkovris, ke sur la limoj kaj nodoj de la Kristala reto kreiĝis gravaj centroj civilizaj kaj kulturaj. Rigardante la desegnitan de ili mapon pri la hipotezo, kun miro mi rimarkis, ke sur unu linio troviĝas ĝuste Bialowieza. La Linio ligas la Lokojn: Gniezno, Hexentanzplatz (Heksentancplac) la legendan kultan centron en Harz (Harc Montoj) kaj Drugelte ĉe Soest, la lokon konatan pro la sekreta gnostikisma kapelo de la sekto Kataroj. La esploroj montris, ke la specifan aktivecon de tiu radianta linio atingas la 30-an de aprilo. La esotera tradicio ligas la tempon kun la festo de Walpurgio (Valpurgio) t.e. la festo de sorĉistinoj. Ne estas strange, ke la radianta linio transiras la legendan lokon de la dancantaj sorĉistinoj en Harz (Harco). La lasta tago de aprilo kaj la nokto de sankta Johano (24. 06) estas la tempoj de potencaj energiaj transformoj en la naturo, precipe en la lokoj situitaj laŭ la menciita linio. Ikono sur kverko. Antaŭ 3 jaroj sensacion kaŭzis inter la loĝantaro de Bialowieza la Ikono aperinta sur la kverko, en la loko post detranĉita branĉego. La vizaĝo estis simila al la ĉefa anĝelo Gabrielo, la heroldo de esceptaj eventoj. Konfirmis tion la kantisto de la ortodoksa preĝejo Piotr Dworakowski (Dvorakovski). Post kelkaj monatoj en la ĉasista palaco 10 km de la kverko kunvenis la prezidentoj de Rusujo, Ukrainujo kaj Bjelorusujo kaj subskribis la dokumenton likvidantan la sovetan imperion. Estas interesa la hazardo, ke por tiu kunveno oni elektis Nacian Parkon Bialowieza. Nun la bildo sur la kverko ne estas klara, konservistoj kovris ĝin sesope per farbo. Tamen la sekreta radiado de la arbo restis. La sekretaj aperaĵoj ĉirkaŭ la escepta arboLa arbaristo Piotr Bajko kaj la kuracisto de Sergiusz Tarasiewicz (Sergiuŝ Tarasieviĉ) kolektis multajn materialojn pri la sekretaj okazintaĵoj ĉe la kverko. La sekreta radiado havis tre fortan influon. Multaj homoj sentis ĉe la kverko vibradon en la manoj kaj piedoj, malekvilibron, eĉ ŝanĝojn sur la haŭto. La personoj, kiuj estas mediumoj sentas tie potencan energion kaj havas sekretajn viziojn. Tiajn aperaĵojn la esotera literaturo nomas: "genius loci", t.e. la animo de la loko. Oni ne konsideras ilin en spiritismaj kategorioj. D-ro Tarasiewicz (Tarasieviĉ) sentas la energion eliĝantan de sub la kverko en la formo de globo. Kiomfoje li estas ĉe la kverko ia forto tiras liajn manojn kaj kreas per ili globon. Tio estas analoga al la ĉina meditada gimnastiko Tai Chi Chuan, en kiu la energio de la vivo en multaj ekzercoj estas montrata per movoj de manoj kiel globo. Tamen la doktoro ne konas la ĉinan Gimnastikon kaj liaj movoj estas spont
ana reago pro la vibrado el la Loko. La forto de la kverko povas subigi, timigi kaj inspiri, aŭ anime instigi. Ĉio dependas de ni. Grava estas konscia malfermiĝo al valora energio kaj koncentrigado sur la pozitivan kaj stimulantan influon. La plej bona ekzemplo estas la loĝanto Borys Russko (Boris Rusko). LI interparolas kun kverkoj kaj komprenas ilian "lingvon" La personoj ne komprenantaj la subtilan influon de la naturo, sen kontakto kun sia subkonscio ne multe sentos. Ankaŭ la meditado ĉe la kverko estas tre signifa. La sentemaj homoj havas impreson, kvazaŭ "iu nekonata forto tirus ilin en alian dimension". Miaj esploroj montris, ke fakte, la medita radiado de la loko prezentas simbolan trairon al alia nekonata realeco. Ĉe la kverko okazas neklarigeblaj akustikaj aperaĵoj. Piotr Dworakowski (Dvorakovski) la 30-an de januaro de la 1995-a jaro kun grupo de turistoj ĉeestis en kurioza akustika fenomeno. Antaŭ sunmalapero, ĉe la kverko, en kompleta silento ili subite aŭskultis rusajn interparolojn, bruegon da hupoj, ploron de infano. LA voĉoj daŭris 6-10 minutojn. Poste denove regis silento. La ŝtona cirkloLa enigmaj lokoj estas en malfacile atingeblaj kvartaloj de Nacia Parko. D-ro Tarasiewicz, la persista penetranto de la praarbaro trovis kelkajn sekretajn lokojn. La plej fascina troviĝas en la 495-a kvartalo ĉ. 6 km suden kaj okcidenten da Bialowieza. La direkton montras detranĉita trunko de la kverko kovrita per kelkaj betonaj platoj. Sur la platoj estas gravurita ortodoksa kruco, la dato 20. 10. 1947 kaj sekrEtaj literoj KWLMWBNI. Post la forŝovo de unu plato okazis, ke sub ĝi troviĝas roko kun la premita spuro do nuda piedo. La pieda premsigno montras la direkton al ja herbejo situita je dekkelkaj metroj. En la centro do la herbejo estas kruco, ŝtona cirklo ĉirkaŭanta ĝin. Sub la tavolo de musko estas ŝtonoj similaj al pavimo. La simetria lokiĝo de la ŝtonoj, la samaj distancoj inter ili montras, ke tio estas cele konstruita objekto de la antaŭaj loĝantoj en pratempoj. La eksterordinarecon do la loko grandigas ĉirkaŭantaj ĝin arbaj. Multaj arboj duoniĝas. Troviĝas tie ne kutimaj por praarbaro specoj: kratago, pirarbo, pomarbo. La esploroj de la ŝtona cirklo montras ege fortan radiadon. La ŝtonoj certe rolas naturan filtron malgrandigantan la lezan radiadon. Ili filtras pozitivajn kaj valorajn erojn. La homoj tre bone tie fartas. Ili perdas la kapdoloron kaj aliajn suferojn. Oni rakontas, ke post la II-a mondmilito kunvenis tie anoj de iu sekto religia, kiu retrovis iaman lokon de la kulto. En la loko oni fortranĉadis arbojn kaj forveturigadis ilin. Ne estas detaloj pri la temo. Simila cirklo troviĝas en la kvartalo 496-a. Docentino Simona Kossak fasciniĝis pri la radiantaj lokoj. En UNO programo "La Homo kaj Biosfero" ŝi kun la loka arbaristaro ordigos kaj ekspozicios la ŝtonan cirklon (495) Oni dediĉis por la celo 80 milionoj zl (malnovajn) La mirinda loko estos barita per stangoj, estos konstruita ambono kun ponteto. La centro de la herbejo estas purigita kaj la ŝtonoj malkovritaj. La sinjorino serĉas financajn helpojn por la ekspozicio kaj protekto da la komunaj tomboj trovitaj en la praarbaro. Czeslaw Milosz (Ĉeslav Miloŝ) nomis la praajn arbaranojn "Indianoj de Eŭropo" Ni esperu, ke la sekretaj fortoj de la praarbaro argumentos por ĝia protekto.