Novaĵoj el Krakovo

Sendita per: Maria Majerczak

La teksto enhavas informojn pri iuj el la E-agadoj en Krakovo, ekde sept. 2009 ĝis 16 jan. 2010. 

Ĉar la teksto enhavas informojn daŭre aktualajn, ni publikigas ilin.

NOVAĴOJ EL KRAKOVO

ILEI-AGADO

Disponeblas en la reto la statistiko pri E-instruado en polaj lernejoj en 2009/10

Pli ol 40 E-kursoj, inter kiuj 25 (+ 2 kursaroj) en 20 lernejoj de la lando; 23 urboj aŭ vilaĝoj kun E-instruado, 36 instruantoj +3 instruistaj teamoj ktp. – jen datumoj pri E-instruado en Pollando dum la lerneja jaro 2009/2010. 

Listojn de la urboj, lernejoj, nomojn de la instruantoj k.a. bv. vidi en  http://esperanto-reto.org/ilei  > Agado de polaj instruistoj > Statistiko 2009/10.

En la statistiko videblas ankaŭ informo pri tri EU-projektoj, kiujn organizis kaj/aŭ partoprenis du polaj lernejoj kaj la asocio PEA. Nun, en 2011, eblas aldoni, ke pro Grundtvig Pola Esperanto-Asocio (ne ILEI-PL) gajnis asocian premion. La projekto ebligis ankaŭ individuan premion al lernantino-asistantino. Kontribuis al tiu grava duobla sukceso de esperantistoj ankaŭ Zsofia Korody el Herzberg kaj multaj aliaj E-aktivuloj.

                                                                                           

Jen la retpaĝaroj de polaj E-instruistoj  kaj lernejoj kun E-instruado (aŭ, se la ligilo ne funkcias, bv. uzi: https://docs.google.com/View?docID=0AWLyo2buioHAZGhwM3NmNXBfMTEyOGNkY3F2Z2hn&revision=_latest ). 

Iuj el la instruistaj retpaĝoj troviĝas en la retejo mem de la pola sekcio. Al aliaj, eksteraj, resendas ligiloj.

Renkontiĝo de polaj E-instruistoj, sept. 2009

Dum „Arkones”, en Poznano (18-20 sept.), pluraj E-instruistoj en polaj lernejoj renkontiĝis kun Maria Majerczak, kiu dum 13 jaroj kunlaboras kun ili kadre de ILEI-agado, konsilante kaj kunordigante. 

Estis priparolata la aktuala situacio de instruado de la Internacia Lingvo en la ŝanĝiĝanta situacio en la eduka tereno de Pollando, necesaj strategioj, neceso de pliprofesiiĝado de E-instruistoj, kaj en serio da renkontoj kun difinitaj instruistoj estis pripensitaj konkretaj paŝoj celantaj solvon de problemoj en iliaj lernejoj, k.a.

Programo favore al Esperanto en unu el la Zamenhof-lernejoj

En januaro 2010 okazis du laborsesioj kaj postaj konsultadoj de Danuta Kierczak, gvidanta E-okupojn en la Zamenhof-lernejo en Zagórnik (suda Pollando), kaj Maria Majerczak. 

Ilia celo estis trovo de rimedoj por plibonigo de la situacio de Esperanto en la lernejo. Estas starigita programo. Ĝi konsistas el kelkaj partoj, kaj jam komenciĝis ĝia realigado. Ĝi apartenas al la realigata de pluraj jaroj projekto de ILEI-Pollando „Esperanto en Zamenhof-lernejoj”.

Aktualigo. 
Inter la helprimedoj, artikolo en IPR pri la jubilea festo de la Patrono de la lernejo kun spektaklo - organizita de Danuta Kierczak en dec. 2009 - plibonigis la rilaton de la lernejdirektoro al Eo, kaj la instruistino ekhavis flugilojn, sur kiuj jaron poste, ŝi organizis ankoraŭ pli belan spektaklon pri L. Zamenhof , okaze de la 20-a datreveno de dono de lia nomo al la lernejo.

Unu programero - partopreno de gelernantoj de tiu lernejo en la E-renkontiĝo pro 50-jariĝo de Benelukso, en Belgio, kaj vizito en Eŭropa Parlamento, kun renkontiĝo kun parlamenta altrangulo, ne povis esti realigita, ĉar gepatroj ne deziris eksterlandan vojaĝon de siaj infanoj.

Projekto „Esperanto en nemovadaj konkursoj”

Kadre de la jam multajn jarojn realigata projekto de la pola sekcio de ILEI „Esperanto en nemovadaj konkursoj”, en decembro 2009 estis denove lanĉita varbado inter lernejaj instruistoj kaj lernantoj por partopreno en la E-branĉo de la fremdlingva lerneja artkonkurso „Alproksimiĝu al la mondo”, en 2010. Esperantistoj jam havis dum tiu konkurso sukcesojn, inter kiuj la plej grava estis la Ĉefpremio (Grand Prix), kiun gajnis la prapranepino de Antoni Grabowski, Natalia Dobrowolska (ŝi prezentis sian konkursan programeron ankaŭ dum la ILEI-Konferenco en Krakovo).

Reagis kelkaj instruistoj. Al tiuj, kiuj ne estas esperantistoj, estis proponita repertuara, lingva kaj arta helpo.

Gravas subteni la jam atingitajn rezultojn. Se ILEI-Pollando dum ok jaroj flegis la esperantistan partoprenon en la granda, prestiĝa lerneja konkurso "Alproksimiĝu al la mondo", ĝi celis ne nur prezentadon al la publiko de programeroj en Esperanto kaj artan disvolviĝadon de la lernantoj, kiuj poste eble kontribuos al la E-kulturo, sed ankaŭ stimuladon de agoj celantaj ekeston de pli firmaj faktoj, inter kiuj tre grava estas lerneja instruado de Esperanto.

Efektive, la plimulto de la lernejoj partoprenantaj la konkurson "Alproksimiĝu al la mondo" enkondukis E-instruadon por povi partopreni tiun prestiĝan konkurson! Ĝi montriĝas tuja kaj efika enkondukilo de la lingvo Esperanto en lernejojn. Sen plendi pri manko de la ja ege dezirindaj leĝoj, ni tuj uzu la eblojn, kiujn oferas la realo.  

  

Novaĵoj el la ILEI-lernejo

En januaro 2010, en la ILEI-lernejo en Ĉajovice okazis novjara E-koncerto de la duopo Aleksandro Ĥrustalov kaj Tatjana Orjol el Dimitrovgrad (Rusio).

En 2008/9 Esperanton instruis en la lernejo la studentino Anna Mroczkowska, kaj ekde printempo 2009 realigas ĝin la pedagogo Jadwiga Dzięgielewska, konata kiel la E-kanzonistino Jadviga.

LA URBO KRAKOVO

Okazos sekva Nokto de Lingvoj

La Nokto de Lingvoj en Krakovo, okazinta la 24-an de julio 2009, tuj post fermo de la 42-a Konferenco de ILEI, kiel unuafoja tia aranĝo, allogis negrandan publikon (kelkdek urbanojn), sed atingis multajn pere de la amaskomunikiloj, ĉe kiuj ĝi vekis grandegan intereson.

La ĉefaj kontribuantoj al la programo estis partoprenantoj de la 42-a Konferenco de ILEI. Por ke la Nokto ne restu unufoja aranĝo, kaj la altkvalita laboro de la kontribuintoj servu la estontecon, ĝi firme instaliĝos en la kultura pejzaĝo de la Eŭropa Kultururbo Krakovo, en la serio de la nun ege popularaj urbaj "Noktoj de…" (Nokto de Muzeoj, Nokto de Teatroj, Nokto de Ĵazo k.a.). Organizados ĝin medio de superaj lernejoj.

INFORMADO

Informado en superaj lernejoj de Krakovo kaj en aliaj lokoj de la urbo

Dum la monatoj sept.-dec. 2009 okazis - kutima en Krakovo en tiu parto de la jaro - vasta inform-varbkampanjo pri Esperanto, pri E-instruado en Krakovo, k.a.     
  

Jagelona Universitato ĉiujare informas pri siaj lingvaj kursoj per internaj universitataj anoncoj, retpaĝoj, enurbaj reklamoj sur ekranegoj aŭ sur urbaj aŭtobusoj, sed kaze de Esperanto tiu informado estas nesufiĉa. Necesas plia informdisvastigado.

En la kampanjo 2009 estis uzitaj diversaj rimedoj, i.a. kvincent ekzempleroj de kvar diversaj afiŝoj kaj flugfolioj pri la universitata kurso „Esperanto – lingvo kaj kulturo”. En muzik-kafejoj estis disdonata flugfolio pri la junulara E-renkontiĝo dum la rokfestivalo en Roskilde, Danlando. 

Informoj estis dissenditaj pere de la Novaĵservo, kaj individuaj mesaĝoj estis senditaj al personoj, kiuj jam antaŭe montris intereson pri Esperanto, al lingvolernintoj, kun peto pluinformi, al pli ol 8000 gestudentoj de WSZiB (Supera Lernejo de Direktado kaj Bankismo). Okazis prelegoj, estis disdonataj fotokopioj de artikoloj pri Esperanto. 

Ni disponas pri tre taŭgaj por varbado nacilingvaj artikoloj pri Esperanto, verkitaj de membroj de la Rondo de Junaj Ĵurnalistoj-Esperantistoj en Krakovo kaj publikigitaj en revuoj. La informkampanjon gvidis Maria Majerczak, la afiŝadon realigis studentoj esperantistaj kaj neesperantistaj. Estis uzitaj pliaj informrimedoj, krom la menciitaj.

Unuhora elsendo pri Esperanto en Pola Radio Kraków  

La 2-an de  nov. 2009, en Pola Radio Kraków (sudpollanda parto de Pola Radio, atingebla ankaŭ interrete) okazis unuhora elsendo pri diversaj aspektoj de Esperanto, inter kiuj estis emfazitaj la lernfacileco de la lingvo kaj la faka agado. La intervjuitoj, Maria Majerczak kaj Vladimiro Opoka, medicinisto, aktivas respektive en ILEI kaj UMEA. Aŭskultantoj partoprenis konkurson kun premioj.

UNIVERSITATA E-INSTRUADO KAJ AGADO

Reklama E-kurso en Jagelona Universitato

La 7-an kaj 8-an de sept. 2009, en Jagelona Universitato okazis 2-taga, 4-hora reklamcela E-kurso por personoj, kiuj aliĝis al ĝi dum la Nokto de Lingvoj.

Aktualigo.
Instruante, oni notas, ke ia nombro da studantoj aliĝas al E-kursoj pro kuriozeco. Nu, reklama kurseto povas satigi ilian scivolemon kaj fari, ke por tiu celo ili ne plu bezonos longan kurson. El la raportata 9-persona grupo ekstudis kaj finis la kurson, kun ekzameno kaj Certyfikat pri Esperanto de Jagelona Universitato, unu persono. Kelkaj aliaj, inter ili du lernejanoj, deklaris, ke ili emus lerni Esperanton, sed tio ne tuj estas ebla, pro tempomanko. 

Laŭda mencio pri la universitata E-instruado, en revuo

En la papera revuo „SMS” (okt. 2009) aperis tutpaĝa artikolo pri instruado de lingvoj en Jagelona Universitato. La kurso de Esperanto estas menciita kiel furoraĵo de la antaŭa jaro, apud la kursoj de la lingvoj ĉina kaj japana.

Novaj E-kursoj en krakovaj superaj lernejoj

Tamen, varbado en urbo kun multegaj kulturaj kaj sciencaj allogaĵoj ne estas facila. Rezulte de la informkampanjo gestudentoj, kiel kutime, diversurbaj, eklernis la Internacian Lingvon en Jagelona Universitato kaj Supera Lernejo de Direktado kaj Bankismo (WSZiB). Organizis la informkampanjon kaj instruis Maria Majerczak. 

Tri studentinoj de biologio en Jagelona Universitato elektis la oficialan dusemestran kurson „Esperanto - lingvo kaj kulturo”, kiel sian devigan studobjekton. En la pasinta universitata jaro, laŭ sia elekto la lingvon lernis devige kvin gestudentoj de filologioj, kaj la tuta 9-persona grupo plensukcese ekzameniĝis fine de majo. Dum la buŝa parto de la ekzameno 7 el ili parolis flue pri la ekzamenaj temoj.

La kursoj nun estas 60-horaj, 2-semestraj. 

Aktualigo. 
En feb. 2010 la E-kurso en WSZiB, bedaŭrinde, ĉesis ekzisti, pro kaŝa misfaro de nia kunlaborantino.

Studsesio de la perreta-semajnfina E-kurso

La 16-an de januaro, en Jagelona Universitato okazis la unua ĉeesta studsesio por partoprenantoj de la unua en tiu supera lernejo perreta-semajnfina elementa E-kurso.

Universitataj diplomlaboraĵoj pri E-temoj

En decembro 2009 Evelina Tokarczyk tre sukcese defendis sian magistrigan laboraĵon „Humanaj aspektoj de Esperanto”, verkitan en la fako Internaciaj Rilatoj de Jagelona Universitato. Evelina Tokarczyk estas prezidantino de la Studenta Scienca E-Rondo en Jagelona Universitato. 

Pri preparado de la laboraĵo eblas legi en ŝia anoncpaĝo kaj letero, en http://www.esperanto-reto.org/studenta , en la sekcio Diplomlaboraĵoj pri E-o – helpo. La nacilingva laboraĵo kun resumo en Esperanto aperos sampaĝare, en la sekcio Diplomlaboraĵoj pri Esperanto - tekstoj.

Entute, dum 2006-2009 kvar studentinoj defendis diplomlaboraĵojn pri E-temoj en neesperantaj fakoj de krakovaj superaj lernejoj: kulturologio internacia, ĝermana filologio, sociologio, internaciaj rilatoj, kaj unu en la E-fako de Poznano. 

La temoj estis respektive: la kulturo de Esperanto, E-lernado, la lingva-kultura komunumo de esperantistoj, la humanaj aspektoj de Esperanto kaj ties propedeŭtika valoro. En la proksima urbo Katowice estas preparata magistriga laboraĵo pri E-bibliotekoj, kaj jam aliaj krakovaj gestudentoj esploras la eblon diplomiĝi pri E-rilata temo. La universitatan E-instruadon kaj agadon prizorgas Maria Majerczak. 

Aktualigo. Ĝisdatigita listo de diplomlaboraĵoj pri E-temoj aperos.

STUDENTA E-AGADO

En decembro reeklaboris la studentaj E-rondoj. Tiu de Jagelona Universitato, funkcianta ekde 1996, akceptis parte daŭrigan, parte novan agadprogramon por 2009/10, t.e. por la tempo ĝis la fino de majo 2010. Inter la eroj de la agadplano estas denova organizo de tritaga prezentado de Esperanto kadre de la krakova Scienc-Festivalo (okazonta en majo 2010), kunorganizo de la dua Nokto de Lingvoj en Krakovo, pli da kontakto kun- kaj helpo al E-lernintoj kadre de konkretaj projektoj, sciencaj taskoj k.a.

La nove fondiĝanta E-rondo de WSZiB ellaboris kaj intencas prezenti programon, kiu emfazas taskojn kulturajn, lingvajn kaj informatikajn.

Inter zorgoj alproksimigi la komencantojn al la esperanta komunumo kaj ĝia kulturo estis partoprenigo, fine de decembro, de grupo da krakovaj gejunuloj en parto de la Junulara E-Semajno (JES) en Zakopane, laŭ la afabla invito de la organizantoj, kaj koncerto en Krakovo, dum januara E-leciono, de la duopo Aleksandro Ĥrustalov kaj Tatjana Orjol, kiun sekvis renkontiĝo en restoracio kun E-konversacio de komencantoj kun kelkaj eksterlandaj gastoj.

Por interkulturaj kontaktoj kaj lingva perfektiĝado gravas ankaŭ aktivado en Pasporta Servo. Al la jamaj tri krakovaj gejunuloj-gastigantoj nun aldoniĝis tri aliaj, kio ankaŭ signifos pli da tiel bezona loĝhelpo al esperantistoj en la ofte vizitata urbo.

KULTURA INSTRUAGADO

Okazis sekva renkontiĝo de la Diskutrondo de Poeziŝatantoj

Dum „Arkones”, en septembro 2009, okazis sekva el la renkontiĝoj de la Diskutrondo de Ŝatantoj de la Esperanta Poezio, kiujn dum diversaj jaroj, dum E-aranĝoj gvidas Maria Majerczak. 

Tiu renkontiĝo diferencis de la antaŭaj. Ĉi-foje, al analizado de E-poezio estis aplikita ne literatura, sed muzika aliro. La partoprenantoj sekvis vojon inter la teksta sfero de E-poemo kaj muziko, kaj mem ekzerciĝis pri komponado de muziko por poeziaĵo. Informojn pri la metodo kaj la prezentitaj muzikigitaj E-poemoj, akompanataj de la renkontiĝa folio, bv. poste trovi en http://esperanto-reto.org/ilei - Novaĵservo - nia agado.

Maria Majerczak

Trompaj Kvazaŭ Aktualigoj

Tradukis: Z. Wybraniec, el; Hacking.pl

Kvazaŭ-Mikrosoftaj Falsaj Aktualigoj

Sekureco | 2011-06-13 09:53:06

Uzantoj de Vindozo (Windows) devus esti denove alertaj – en la Reto aperis nova, falsa kontraŭvirusa programaro, kiu manovras la reto naviganton por instalo de la malica aplikaĵo, ŝajnigante esti la aktualigo de la sekureco de „Microsoft”.

La uzantoj afliktitaj per la atako ekvidos detale precizan kopion de la oficiala paĝo de „Microsoft Update” - kun tiu ĉi diferenco, ke la paĝo de la trompuloj aperos dum navigado per la serĉilo, Firefox. La vera „Microsoft Update”, ĉiam insiste postulas uzon de nur la serĉilo „Internet Explorer”.

Laŭ la specialiĝantaj spertuloj el „Sophos”, la atakoj „fake av” iĝas pli kaj pli alte rafinitaj kaj aspektas tiel profesiaj, ke ili kapablas konvinki nekonsciajn pri la danĝro, kaj neniel supozantajn la trukon uzantojn. Uzado de la altkvalitaj grafikaĵoj kaj de tre alte avancintaj interfacoj, signifas, ke je tiu ĉi fi-skema trompaĵo povas malbonspertiĝi multaj personoj.

„La uzantoj devas esti eĉ pli singardaj ol iam ajn, ĉar la tromp-aranĝitaj alarmoj de la sekureco forsaltas subite en iliaj retnavigiloj (serĉiloj). Atakoj de la falsaj kontraŭvirusaj, estas granda negoco por la kiber-krimuloj, kiuj investas sian tempon kaj fortostreĉon, por fari sian malican programaron tiel konvinkebla, kiel tio ĉi nur plej eblas”, diris Graham Cluley, la pli altranga konsultanto pri la teĥnologio, en Sophos. „La Hakistoj pli kaj pli ofte etendas la manon pri diversaj soci-teĥnikaj trukoj, kaj ekzistas risko ke la uzantoj, timigitaj per la fipreparitaj falsaj komunikaĵoj pri la minacoj, decidos transperi monon al la trompuloj, por solvo de la problemoj, kiuj neniam okazis”.

Fonto: Sophos

Kiu komprenas Polan lingvon, povas legi la artikolon irante la suba adreso:

http://www.blogger.com/post-create.g?blogID=6780693261270951966 

Prilaboris: Zbigniew Wybraniec

Freenet, la Sekreta Liberreto

Surbaze de la informo en „PC Format” el Majo/2011”.

Tutgloba reto enhavas en si tre multajn misteraĵojn, kaj sekretojn. Ĝi ja tute ne finiĝas per sole la Guglo (Google). Mi do helpu malfermi per ĉi tiu artikolo enirpordegon al la, nek cenzurata nek cenzurebla, Interreto. En ĝi oni povas trovi ĉion tion ĉi, kion al ni ne montros la tradicia TTT, de la Interreto.

La Interreto provizas sufiĉe altan gradon da anonimeco, kvankam, jam ne plu tiel altan kiel tio estis ĉe la komenco. Oni povas trovi en ĝi multegajn tre interesajn informojn, kies kvanto ĉiam pli-kreskas nekredeble rapide,  kaj  ankaŭ uzi, laŭvole kaj libere, tre multajn, kaj egale utilajn servojn. Ĝi estas ankaŭ atingebla kaj alirebla per ĉiuj, ĉie en la mondo. Bezonata estas nur konektebleco, aplikaĵo por trarigardado de paĝoj, kaj serĉilo(j).

Sed, tiu ĉi oficiala reto havas tamen duoblan fundon, ankaŭ la duan kiu estas kaŝita.

Tio ĉi okazas tial, ke en la cirkulado, de pluraj jaroj ekzistas alia speco de la Interreto kiu estas tute senigita de iuj ajn centraloj kun IP adresoj, serviloj, ktp, kaj kie la uzanto mem decidas pri la enigita informo kaj ene de kiu neniu kontrolas, nek povas kontroli, ties aktivecon. Tiu ĉi mistera kreaĵo estas la "Liberreto" (Freenet". Ni montros ĉi tie, kvankam nur tre supraĵe, kiel oni povas uzi ĝin.

Kiel la libera reto funkcias?

Kutimaj TTT paĝoj ĉe la Interreto estas konservataj en la durdisko de la Servilo de la Interreto Provizanto (IP). Ĉiuj uzantoj kiuj kun ĝi konektiĝas, ricevas ilin, kaj havas ilin prezentataj ĉe ekranoj de siaj propraj komputilaj monitoroj. Ĉiuj numeroj de la paĝoj de la Interreto Provizantoj, kaj tiuj ĉi, de la konektitaj al ĝi uzantoj, estas malferme konataj.

La Liberreto „Freenet”, ne posedas centralajn servaparatojn (servilojn). En la liberreto de „Freenet”, rolon de la serviloj kaj Interreto Provizantoj (IP) plenumas la komputiloj de la uzantoj mem, kiuj permesas uzi spacon ĉe siaj propraj durdiskoj por bezonoj de tiu ĉi la uzata per si Liberreto, kaj uzas sian propran datumfluo-kvanton (bandwidth). Ĉiuj komputiloj en tiu ĉi interreta sistemo de Liberreto (Freenet), estas konektitaj en la faskojn de komputiloj nomitajn „Nodoj” (nodoj komunikiĝas inter si reciproke) kaj kapabligas al si reciproke trans-peri ĉiam nur fragment-erojn da datumaj informpecoj, kiuj estas poste kunigataj kaj rekreataj al sia originala stato.

Uzantoj konektitaj al la Liberreto (Freenet), ne scias de kie oni deprenas la dataon, kun kiu oni estas kun-nodita kaj al kiu apartenas prezentitaj ĉe la ekrano informoj. Oni estas kun sia komputilo, nur la inter-peranto de la datao, nur unu ero inter la komputiloj de tiu ĉi sekreta interreta datumbaza sistemo. Informoj transperataj per la komputilo de uzanto estas registrataj en la ĉemana konservilo de memoro. Personoj konektitaj en la Liberreto „Freenet” scias nenion pri tio ĉi kian specon de informoj ili peras, pri kia tipo, speco, aŭ enhavo de la inform-interŝanĝo ili peras, nek kiajn informo fragmentojn ili mem konservas, aŭ ebligas uzi. Ĉe la liberreto, entute ĉiu dateno estas ĉifrita (kodita) kaj disĵetita tra tuta la sistemo de la nodoj kaj individuaj komputiloj enkadre de la nodoj.

Kiel eniri la Liberreton?

Por uzi la informstokon de la Liberreto ni bezonas specialajn aplikaĵon. Tiu ĉi speciala programo konektas nin al la nodoj, kreas por ni mem speciale dediĉitan unikan al ni koditan nodon, kaj konektas nin kun aliaj komputiloj. Ĝi ankaŭ atingebligas al la Liberreta uzo, parton da spaco ĉe nia propra durdisko, por kundividado kiel parto de la LIBERRETO. En la Liberreto ni moviĝas iom blinde, ĉar Mankas iuj tutglobaj serĉiloj, en strikte la sama senco kiel ĉe TTT. Ni atingas laŭsekvajn informojn, prezentante la ligilojn (konektilojn). Tiel ni sendas la postulon de la servo el sia propra komputilo, al unu el inter la komputiloj el iu aktuale plej atingebla nodo, laŭ la tute hazardkodita demandsistemo. Se la donita maŝino ne enhavas la postulatan informon, ĝi transperas la demandon al aliaj egalmaniere alte koditaj nodoj.

Malluma flanko de la Liberreto.

Plena anonimeco kaj manko da cenzuro ĉe la sekreta interreto estas pri-pagataj per la anarkio. Nur la uzantoj mem havas influon je la enhavo de la publikigitaj informoj. Kontrolado de la enhavigitaj informoj estus ja tute malkongrua kun la ĉefa ideo de tiu ĉi libera reto. Tial ni povas ĉi tie stumbli renkonte, ankaŭ je iuj kontroversiaj enhavoj (pornografio, drastaj bildoj kaj fotoj, radikalaj vidpunktoj, informoj konektitaj kun la terorismo, pirataj dosieroj, ktp, ktp). En la Liberreto, publikigas tamen grandega nombro da personoj kiuj simple, nur volas havi kaj konservi sian anonimecon, kun la rajto al libera sinesprio, (ekz. Ĉinaj opoziciuloj, diversaj religiaj kaj politikaj opresitoj ie en la mondo, ktp, ks), kaj ilin tute ne interesas publikigado de iuj krimaj donitaĵoj, kaj informoj.

Avantaĝoj kaj malavantaĝoj de la Liberreto.
PLUSOJ:

• Alta grado de anonimeco
• Manko de cenzurado kaj filtrado de enhavo
• Manko de la ebleco de la ordono por forigi la informon
• Treege eta verŝajneco de malkovro, kiu kaj kiajn informojn kaj dataopecojn provizas.
  
• Nun eblas jam uzi la „Firefox" serĉilon.
  

MINUSOJ:

• Postulo pri sufiĉe alta informtranspera ebleco (ĉifrado, kaj informopera ebligado)
• Povas esti uzata ankaŭ per iuj leĝrompantoj (ĉar ĉi tie ili restas ne troveblaj).
  

Kiel enŝuti kaj ekuzi la Liberreton?
Bonvolu iri al la adreso: http://freenetproject.org/ kaj trovi ĝustan informon. Provizore la sistemo estas akirebla nur en la angla lingvo, kvankam - evidente - jam ekzistas publikigita granda kvanto da informo en tre multaj jam lingvoj, se mi bone rimarkis. Espereble tamen, sufiĉe baldaŭ sekvos ankaŭ pluraj aliaj lingvoj - inkluzive de Esperanto, en kies vicoj multaj esperantistoj volas liberiĝi de la jugoj de kontrolemo fare de kelkaj reprezentantoj de la "Politika Korektemismo". Kvankam tio ĉi estas nur iuj kelkaj individuaj personoj en kelkaj lokoj de tiu ĉi movado, ili tamen vere faras la vivon malfacila al tuta la movado de la esperantistoj, kaj faras tre multe da damaĝo al tuta tiu ĉi movado, eĉ tutmonde. Tio ĉi inkludas plurajn okazaĵojn eĉ enkadre de la klare, kaj sen ajna dubo en mia kompreno kaj scio pri ĝi, elitisma jam de sufiĉe longa tempo kaj pliiĝe kontrolema, Universala Esperanto Asocio mem.

Nuntempe, enŝuto de Freenet por la Vindozo „Windows” okazas jam preskaŭ entute aŭtomate, ankaŭ simile por McIntosh Aple, escepte de nur la Linukso (Linux), estanta iomete pli man-gviden orientita, kvanam nun, eĉ la Linukso iĝis jam tute facila por sekvi.

Por faciligi ke vi povu ankaŭ mem orientiĝi pri tiu ĉi "Reto de Libereco", kaj mem provi ĝin, mi provizas ĉi tie ankaŭ konektilon al la informa filmeto ĉe YouTube kiu eksplikas (anglalingve) kiel enŝuti kaj ekuzi Freenet. Jen ĝi estas: http://www.youtube.com/watch?v=bLXZCyllfyo/
Alternative, vi eble preferos spekti ĝin rekte el ĉi tie, do mi provizas ĝin supre en ĉi tiu artikolo. 

Bonan legadon, kaj ĝis la sekvonta renkontiĝo ĉe La Praktiko.

Zbigniew

Nova Esperanto Partio - La Piratpartio

Jen la plej nova kaj tre interesa informo de la alt-prezata, Ret-Info, el Hungario.

Tutmondaj Esperantaj Piratoj

Pirata Partio estas politika partio, kreita en Svedio, kio kreskas tutmonde. Celo de piratpartioj estas havi malfermitan informsocion, en kio ne ekzistas limoj por krei, remiksi kaj distribui informon kio estas taŭga por la kreskado de scienco, kulturo kaj teknologio. Por la plej bona informaĵo-transdono ni bezonas ruzan lingvon: Esperanton.

Tamen ĉi tiu retejo estas unue por _internacie interŝanĝi informojn_ inter ĉiuj landoj kun Piratpartioj. Nun la plej bona loko por ĉi tiu afero estas la retejo de PP International (piratpartio internacia ĉe http://www.pp-international.net ), sed tiu paĝo estas anglalingva.

Ĉi tiu paĝo estas parte tradukado de tiu paĝo, kaj ankaŭ por krei informaĵojn specife por Esperantaj piratoj...

Oni povas legi la tutan tekston ĉe: http://piratpartio.org

-----
fonto: Ret-Info
http://www.eventoj.hu

Esperantaj "Piratoj" Tutmonde

Sub ĉi tiu artikolo estas respegulita, en sia aktuala tuteco, la esperantlingva retejo de la malgranda, sed ja interesa, por-libereca partio per-interreta, la: Tutmondaj Esperantaj Piratoj - kiel ili decidis nomi sin...


Proprapersone, mi ne konsideras tiun nomon esti ja tre bon-fortuna aŭ bonsona - ne dependas tamen de mi kiel iu persono aŭ organizo elektis nomi sin - do ili nomu sin kiel ili volas. Ilia programo, tamen ŝajnas al mi esti sufiĉe interesa por ke mi decidu publikigi tiun ĉi artikoleton pri ĝi ĉi tie.

Ankaŭ, ŝajnas al mi, kiel la universalisto, kaj homo amanta la liberecon en la vera senco de ĉi tiu vorto, ke ĝi estas sufiĉe interesa, por tiuj ĉi, kiuj amas kaj aprezas sian propran Liberecon, kaj deziras ĝin abundi, la same, ankaŭ por aliaj...

Mi do prezentas la ricevitan novaĵon ĝuste tia, kian mi ĝin ricevis de nia bonkonata kaj bonkvalita, utilega interreta servo en Esperanto el Hungario: http://www.eventoj.hu/ Mia sola korektigo estas nur aktualigo de la Pola interreta adreso de tiu ĉi partio en Pollando, kiun mi trovis esti aktuale prezentita en ties korekta versio, en la "PPInternational", ĉe la adreso: http://www.pp-international.net/ la internacia retejo de ĉi tiu politika organizo.

Espereble la Esperanto parolantoj, en la landoj reprezentitaj tie per la ne plu aktualaj retejoj, povos mem korekti la situacion almenaŭ en la Esperanto versio de tiu ĉi PIRATPARTIO, ĉe la adreso: http://piratpartio.org/ kaj ANKAŬ  ĉe ties aktuala ĉefretejo anglalingva ĉe la adreso: http://www.pp-international.net/ 

Oni devas defendi sian rajtojn al la libereco, se ni deziras reteni kaj ĝui mem sian propran liberecon, kaj oni volus siajn proprajn geidojn kaj proksmulojn esti kaj resti liberaj ankaŭ!

Zbysz

----------------------------------------------------------------------------------------------------------------------

Kontaktu: Marco, aŭ uzu la kontaktformularon.?

Tutmondaj Esperantaj Piratoj

Pirata Partio estas politika partio, kreita en Svedio, kiu kreskas tutmonde. Celo de piratpartioj estas havi malfermitan informsocion en kio ne ekzistas limitojn por krei, remiksi kaj distribui informon kiu taŭgas por la kreskado de scienco, kulturo kaj teknologio. Por la plej bona informaĵo-transdono ni bezonas ruzan lingvon: Esperanton.

Tamen ĉi tiu retejo estas unue por internacie interŝanĝi informojn inter ĉiuj landoj kun Piratpartioj. Nun la plej bona loko por ĉi tiu afero estas la retejo de PP International (piratpartio internacia), sed tiu paĝo estas angla. Ĉi tiu paĝo estas parte tradukado de tiu paĝo, kaj parte aldono kun pli da informo precipe por Esperantaj piratoj. Due ĉi tiu retejo estas por promocii esperanton kiel neŭtrala lingvo por tutmonda interkomunikiĝo interne de Piratpartio Internacia.

Origino de piratpartioj

La unua piratpartio ekestis je 1a januaro 2006 en Svedio kaj nomiĝis Piratpartiet. En Svedio, kaj multe da aliaj landoj, estis la ideo ke pirateco estas malĝusta, kaj kompreneble tio aŭdas malĝustan. Piratoj estas viroj kiuj ŝtelas de, murdas kaj perfortas aliulojn. Tamen ĉi tie pirateco signifas alian sencon, nome de elŝuti de kopirajto-protektaj dosieroj. Nun ni uzas la nomon pirato kiel geŭzo-nomo -- nun piratoj estas fieraj pri esti piratoj, ĉar esti pirato signifas pligrandigi kaj kreski kulturon, sciencon kaj teknologion.

Do kial starigi politikan partion por tiu afero? Nu la sekvo de forto de mafiaj organizoj kiuj profitas al infinite longa kopirajto-templimo estas ke registaroj provas enkonduki malpermeson de elŝutado de kopirajtaj datumoj. La sola maniero por atingi tion estas per registri ĉiujn datumojn kiuj ni elŝutas, do ankaŭ nian personan retpoŝton, ekzemple. Tio estas profanado de letersekreto. Kaj ankaŭ aliaj personaj datumoj kaj ĉio ke ni faras per la interreto. Plue se la registaro vere volas ke la malpermeso de elŝutado estas efektiva, oni devas havi leĝon kiu ordonas ke oni ne povas uzi ĉifradon. Ĉio de tiuj aferoj estas grava malrespekto de nia privateco, la plej fundamenta interkonsento ke ni havas kun la registaro: la registaro regulas la publikajn aferojn, kaj aliflanke ni havas nian privatecon inter nia privata spaco.

La registaro ne komprenas komputilojn, do ili ne komprenas ke malpermeson de elŝutado fundamente ne eblas sen malrespekti nian privatecon. Suprestaranta ekzemplo estas nur unu ekzemplo kial ni bezonas novan politikan partion. Ankaŭ pensu pri la korposkanilo, radiofrekvenca identigo (ekzemple en pasportoj), konservo de video de publikaj kameraoj, kuplo de multe da aferoj kun nia civitana numero kaj tiel plu.

Ankaŭ la hodiaŭa demokratio estas eksmoda. Direkta demokratio kiel en la greka tempo ne estis praktika, kaj referendumoj ne estas efika kaj ĝenerale ne taŭga. Sed antaŭ nelonge direkta demokratio eblas per la interreto. Ankaŭ tial la piratpartioj povas plenumi gravan rulon en ĉi tiu socio.

Principoj de Piratoj

Nun ĉi tiu paĝo estas ĉe la eko de kreskado de informaĵo, do multe da aferoj povas ŝanĝi, sed la centraj principoj pli malpli ne ŝanĝas (malneta origino):

• Defendi la liberecojn de esprimo, interkomunikiĝo kaj eduko.
• Respekti la privatecon de civitanoj kaj civilrajtojn ĝenerale.
• Defendi la liberan fluon de ideoj, scienco, teknologio kaj kulturo.
• Politike subteni reformon de kopirajtaj kaj patentaj leĝoj.
• Havi sindevigon por labori kune, kaj partopreni kun maksimuma travidableco.
• Ne akcepti diskriminacio de raso, origino, kredo, sekso aŭ lingvo.
• Ne subteni agojn kun violento.
• Uzi liberan softvaron kaj malfermajn specifojn.
• Politike defendi malferman, partoprenan kaj kunlaboran konstruon de iu ajn publika politikaĵo.
• Promocii solidaron inter piratoj.
• Kunuzi ĉiam kiam eble.

Trovu vian regionan partion

Landoj kie vi povas trovi Piratpartion, aŭ kie ia partio ekas (origino; notu ke la suba listo enhavas ne-membriĝajn membrojn de PPI; ĝisdatigita je majo de 2011):

 Argentino
 Aŭstralio
 Aŭstrio
 Belgio
 Bosnio-Hercegovino
 Brazilo
 Bulgario
 Canado
 Ĉeĥa Republiko
 Ĉilio
 Ĉino
 Cipro
 Danujo
 Estonio (neaktiva)
 Finlando
 Francio
 Germanio
 Grekio
 Gvatemalo (neaktiva)
 Hispanio
 Irlando (neaktiva)
 Italio
 Kazaĥio
 Latvio (neaktiva)
 Litovio
 Luksemburgo
 Meksikio
 Nederlando
 Norvego (neaktiva)
 Novzelando
 Peruo
 Polujo (aktiva kaj rekonstruata)

 Portugalo

 Romanio

 Rusio

 Serbio

 Slovakio

 Slovenio

 Sudafriko

 Svedio

 Svislando

 Turkio

 Ukraino

 Unuigita Reĝlando

 Urugvajo

 Usono

Ĉio skribita sur ĉi tiu paĝo estas permesita per la GNU Libera Dokumentado Permesilo 1.3 kaj pli alta. Tio estas retrokongrua kun la senkopirajta parto de uzata teksto de Piratpartio Internacia.

Glaciaro ĉe Antarktido estas renversita

Tradukis: Zbigniew Wybraniec

La glaciaroj nin trompis. Ĉu do la ĝisnunaj esploroj pri la klimato taŭgas nur por forĵeti?

Fot. PAP/EPA

Glaciaro ne kreskas nur supren...
Medoloj forborataj el la glaciaroj de la Antarktido (Antarkto) estis respondontaj al ni je niaj demandoj rilatantaj tion ĉi, kia klimato regis sur la tero en la pasinteco, sed ne nur, ili estis celantaj ankaŭ helpi nin, provi kompreni ŝanĝojn kiuj en ĝi okazas ankaŭ nun... Okazis tamen ke ni povas forĵeti en la rubujon, plimulton da ĝisnunaj determinaĵoj kaj difinoj. Ĉar la glaciaroj ne kreskas nur al la supro – informas: rp.pl/
Ĝis nun ŝajnis ke la glaciaro similas la tortokukon, ke ties laŭvicaj tavoloj estas surmetataj dum la plurjarcentoj, desupre – kaj la frostiĝanta neĝo formas laŭvicajn „lignovejnojn” kiujn oni povas legi kvazaŭ kiel iun grandegan libregon.

Bedaŭrinde, okazis ke tio ĉi ne estas la vero. La glaciaro kreskas ankaŭ de malsupre. Kaj la frostiĝanta ĉe ties fundo akvo, forpuŝas ĝin supren.
Tio ĉi estas la fenomeno tute al ni nova, almenaŭ en la skalo tia, kiel ĉi tiu – diras Dr. Ted Scambos, glaciologo el la Universitato de Kolorado ( University of Colorado).

Kion tiu ĉi malkovro signifas por la scienco? Tion ĉi ke la tavoloj de la glacio ĉe fundo de la glaciaro tute ne devas aparteni al la plaj malnovaj. La kronologia – laŭŝajne - strukturo de la glaciaj tavoloj, okazis esti tute mitologia. Kaj, tio ĉi signifas ke multo da konkludoj pri pasinteco de la klimato de la Tero estas eraraj.
Glacitavoloj estas tramiksitaj kiel talio da ludkartoj – konvinkigas la esploristoj.
WB
http://www.rp.pl/artykul/621883_Niespodzianka-na-Antarktydzie---lodowiec-lezy-do-gory-dnem.html

Vera, akvo pelata aŭtomobilo farita per Japana firmao

Eble fine iel estingiĝos, iom post iom, politikaj kvereloj pro la nafto?

Japana firmao konstruis alternativenergian aŭtomobilon pelatan per akvo.
speciala aparato surborde de malgranda aŭtomobilo transformas akvon je hidrogenon kiu estas laŭvice uzata kiel la nutrajo por la elektrofara ĉel-baterio, kiu laŭvice pelas per la generita per si elektroenergio la elektran motoron de la aŭtomobilo...

Ĝi konsumas, laŭ la filmeto, ĉirkaŭ unu litron da akvo, por 80 km da veturado, kun la rapideco de 80km/h. Granda avantaĝo estas ke ĝi povas esti iu ajn akvo: eĉ se ĝi estus iu malpura akvo, aŭ sala marakvo, aŭ eĉ iu teo aŭ alia trinkaĵo se oni tiel obstinus fari. Dum unu horo da veturo de la priskribita aŭtomobilo oni traveturos 80 km (ĉrk. 50 mejlojn) eluzinte nur 1 litron da akvo.
Tute bona ideo, ĉu ne.
Mi nur miras kiom kostos tiu projekto, kaj ĉu ĝi denove ne finos sian vivon sur la bretoj de la konstruintoj

Laŭ mia ĝisnuna sperto, esta plej verŝajne ja ke la grandaj ŝarkoj de la energiproduktaj industrioj tre konsentos ke iu tian (aŭ simila) inventaĵo deprenu de ili la ĝisnune tenataajn per si ekonomiajn superpovojn kaj per tio la kontrolon politikan super la moderna mondo.

La suba filmeto estas spektebla, almenaŭ portempe, nur en la Angla lingvo:
Se pro iu kaŭzo la filmeto ne montriĝas aŭtomate ĉe via retkrolziolo - kio ofte povas okazi, kiel mi certiĝis mem, ĉe la plej novaj Firefox retkruziloj, tiam klaku la sube provizitan senperan konektilon al "YouTube" por povi spekti la filmeton senpere tie:

 http://www.youtube.com/watch?v=tBm8ogwnpG0&feature=player_embedded#at=49