Hejmpaĝo

Amikumu.com malaperis!

Retejo http://amikumu.com malaperis - kaj kredeble ne pro malbonaj kialoj.

Ekzistas tamen, kaj konstante pliboniĝas la sencohava, pragmatika retejo: http://esperanto.com kiu, tre kredeble baldaŭ estos unu el inter la plej grandaj retejoj de la Esperanto parolantoj - se ne La Plej Granda. Post eniri tiun ĉi lokon nur antaŭ nur du tagoj mi vidis tie nur iomete pli ol ĉirkaŭ 150 membrojn. Hodiaŭ mi vidis tie jam 223 uzantojn. Tio ĉi estas rapidega kaj tre alta al-kresko, por nur du tagoj. Fakte. tio ĉi estas eĉ fantaste rapide kreskanta nombro, laŭ ĉiuj ĝis nun viditaj per mi standardoj en la movado de parolantoj.de la Internacia Lingvo. 


Tio ĉi ankaŭ bone montras daŭre kreskantan bezonon por iu dece funkcianta retejo por parolantoj de Esperanto navigantaj la ondojn de la monda Interreta Oceano. Ĉu oni valoras aliĝi al tiu ĉi multe kapabla retejo trovos tuj ĉiu persono kiu volas simple praktiki sian scion de Esperanto rekte per Interreto, kaj prezenti al pli vasta Esperanto parolanta publiko siajn interesojn, projektojn, proponojn, aŭ simple nur iom babili kun aliaj. En tiu ĉi - entute esperantlingva - retejo eblas Blogi, formi kaj proponi al la Interreta Publiko siajn Grupojn kaj Eventojn kaj aldoni sian Foruman Temon, kaj/aŭ simple nur Babili ĉe la Forumo.

Mi trovas tiun ĉi lokon esti kaj unika, kaj utila kaj praktika solvo por ĉiuj parolantoj de Esperanto. Mi do decidis uzi ĝin ankaŭ kiel ĉefa esperantlingva renkontejo por tiuj ĉi membroj de la Universala Vivo Ligo kiuj scias kaj uzas Esperanton. Mi kredas ke speciala kreado de iu simila speciala tia loko por niaj Esperanto parolantaj membroj estus simple malŝparo de administra povo kaj modestaj materiaj rimedoj de UVE, ĉar ja ekzistas jam ideala solvo kreita jam per aliaj parolantoj de tiu ĉi lingvo kiuj ja ankaŭ alte aprecas kaj bezonas subtenon de aliaj esperantistoj por tiu ĉi sia valora aranĝo.

Virtuala Esperanto Komunumo

Jen,  ĵus antaŭ nelonge mi estis rememorigita pri la ekzisto kaj plua funkciado de la Virtuala Esperanto Komunumo internetigta per niaj Ruslandaj geamkoj. Mi certas ke multaj estos interesitaj viziti tien kaj partopreni en ilia interesa iniciativo kaj nun jam bone funkcianta interreta loko, pograde ĉiam per il plibonigata kaj pliriĉigata. Jen estas la adreso: http://esperanto.com/ Alternative, alklaku la supran logo-bildon de ĉi tiu nova Esperanto Komunumo. Mi mem konsideras ĝin esti unu el inter la pli interesaj por esperantistoj interretaj lokoj. Mi aldonu ĉi tie ke tio ĉi estas unu el inter pli kaj pliaj lokoj kiuj estas tute kreitaj per la "Open Source" programaro de "Drupalo"tradukita kaj funkciante en Esperanto. Kvankam plu en Beta versio, ĝi jam nun bone funkcias.

Porserĉila Universala Konvertio de Mezuroj

Nun jam ĉiu povas havi bonegan universalan konvertilon de ĉiuj mezuroj en sia propra retserĉilo. Nur iru al la adreso sube donita por via komforto kaj enigu ĝin en sian retserĉilon. Aŭ alternative alklaku la logo-bildon de "Mozilla" maldekstre. Post enigi ĝin en vian retserĉilon aperos malgranda kolora  ikoneto ĉe la dekstra flanko de la malsupro de via retserĉilo, post kies alklako ĉiuj mezuroj vidataj en la en la legata per vi artikolo (en iu ajn lingvo) ekhavos konvertitajn valorojn en la alia sistemo en la parentezoj por pli bona klareco.

http://converter.mozdev.org/?src=xi
Subite, post kiam provi ĝin la unuan fojon,  kvazaŭ per iu sorĉita vergo, malaperis malkomprenoj nur pro kulturaj diferencoj, ofte ekzistaj spite de ex tre bone paroli komunan al si usonalnglan, aŭstralian, kanadan, ĉu iun alian lingvo-version de la angla, au iun eĉ tute alian ol la angla lingvon. Mi esperas ke ĝi baldaŭ povos funkci egale bone por ĉiuj aliaj lingvoj.

Post mem provi kaj pruvi ĝin mi atestas ke ĝi funkcias bonege inter la ĉefuzataj Usona kaj la Internacia (Eŭropa) alie nomata Decimala mezursistemoj.
Ĵus antaŭ nelonge aperis nova universala konvertilo de mezuroj ĉe Firefox, kiu tamen bone funkcias kun ĉiuj ĉefaj retserĉloj, kiel oni tion diras ĉe la originala retejo kiu ĝin lunĉis senpage ĉe la dreso:
 http://converter.mozdev.org/?src=xi povas ĝin ankaŭ trovi inter la aldonaĵoj de "Firefox" kaj "Mozilla" retserĉiloj. Mi kredas ke ĝi devus ankaŭ bone funkcios kun la "Internet Explorer" serĉilo - se oni kredu kion diras la aŭtoroj de tiu ĉi bonega programeto ĉe sia ĉefretejo. Mi mem ne provis ĝin ankoraŭ mem kun IE ĉar mi ne fidas tiun ĉi serĉiloj kaj m mem tute ne uzas ĝin, escepte de nur absolute ne eviteblaj, ekstremaj, okazoj. Vi trovos la supre publikitan adreson ankaŭ en la Utilaj Ligiloj sekcio de tiu ĉi sola informejo de la Universala Vivo Ligo en la Internacia Lingvo - Esperanto.

Roskilde-rokfestivalo en Danio

Fonto: la Novaĵservo de Pola Sekcio de ILEI

Ni petas vian helpon disvastigi tiun anoncon pri tre alloga E-aranĝo en diskutlistoj, retpaĝoj, paperaj revuoj ktp. Dankon! 
Saluton,

En 2010, dum la Roskilde-rokfestivalo en Danio denove okazos internacia E-laborbrigado (27 junio - 5 julio 2009). 
Dank' al 3-taga laboro la restado estos senpaga kaj dezirantoj labori pli povos gajni monon, per kiu ili povos, ekz., almenaŭ parte repagi sian vojaĝkoston. Bv. vidi la informojn, kaj se vi emas partopreni, por esti certa pri via loko, bv. rete aliĝi nun: 
http://roskilde.festoklubo.dk/
Se, krome, vi volas fari demandojn pri la laborbrigado, bv. skribi al: Simon Damkjaer Hazard; blindulo(ĉe)gmail.com
La eblo viziti tiun plej grandan en Skandinavio rok-festivalon sen pagi la bileton (240 eŭrojn), loĝlokon, manĝaĵojn estas, precipe por gejunuloj, taŭga motivo por eklerni kaj plulerni E-on.
Bona E-aranĝo - helpanto de instruanto! 
La etoso estas bonega. E-gejunuloj, kiuj partoprenis la RF 2009, deziras reveni tien!
Kunlabore kun la organizantoj - DEJO,

Maria Majerczak

Novjaraj Bondeziroj

Saluton al ĉiuj vizitantoj al ULL kaj ĉi tiu ties blogejo. Korajn bondeziroj de ĉio plej bona kaj prospera en la rapide alproksimiĝanta Nova Jaro 2010

Ĉar mi estis foren por por la Kristnasko, kaj mi ne havis okazon aliri al la Interreto kaj La Praktiko por sendi la bondezirojn, mi faras tion nun, eluzante la okazon ke ja Ortodoksa Kristnasko ankoraŭ alvenos, post la Nova Jaro. Ĉar ni ambaŭ, kaj la esperantistoj kaj la universalistoj, apartenas al ĉiuj religioj kaj kredoj al ni devus do egale validi kaj la universala akceptata unua kaj la aliaj festadoj, ĉu ne? Ja, ne nur la kristanoj ekzistas en la mondo, kiuj festas dum tiu ĉi tempo. Granda parto de la Esperanto movado,  ja festas tutmonde ankaŭ  la 15-a de Decembro, la naskiĝtagon de la kreinto de la Esperanto lingvo kaj la Esperanto movado, Ludwik Łazarz Zamenhof - Ludviko Lazaro Zamenhof.

Akceptu do ĉiuj la plej korajn kaj sincerajn, kvankam iomete malfruitajn, bondezirojn okaze de la Zamenhofa Tago kaj la Kristnasko kaj la Nova Jaro 2010!

Ĵus nelonge antaŭ la tradicia, okcidentmonda, kristnaska tempo mi intense laboregis por fari grafikajn kaj strukturajn ŝanĝojn al La Praktiko (ĉe la adreso http://lapraktiko.blogspot.com) kaj Universala Vivo Ligo blogejo kaj retejo (ĉe la adreso: http://www.esperlando.com/blogs) sufiĉe frue por sukcesi fini tion antaŭ la nova jaro. Mi sukcesis fari ĝis nun ŝanĝojn en La Praktiko, kaj la anglalingva retejo kaj blogejo Universala Vivo Ligo, situita ĉe la servilo WordPress.

Eble mi fine sukcesos ankaŭ finkonstrui la pollingvan version de la Universala Vivo Ligo retejo kaj Blogejo ĉe Wordpress. pri kiu mi laboras de ioma tempo. Tio ĉi tamen ankoraŭ iomete daŭros.


Mi esperas ke vi ŝatos la novan grafikan veston de ambaŭ, kaj la esperantlingva kaj la anglalingvsa organoj de ULL kaj Esperlando. Bedaurinde, nia ĉefportalo ESPERLANDO, ĉe la adreso: http://www.esperlando.com devos ankoraŭ iomete atendi por sia vestoŝanĝo, pro multe pli komplika afero kun ties konstrua strukturo. Estante la trilignva portalo ĝi estas multe pli komplika kaj postulas ankoraŭ multan laboron. Mi tamen esperas ke mi sukcesos transformi ĝin kaj signife modernigi jam ĉe la fino de Januaro 2010. Intertempe, Ankoraŭfoje, ĉion bonan al ĉiuj niaj legantoj kaj subtenantoj kaj ĝis la sekvonta fojo!

Elektito

Plurmileŭra Fraŭdo ĉe IEI

fonto: Ret-Info
http://www.eventoj.hu

Miloj da eŭroj fraŭditaj de Esperanto-organizaĵo

Miloj da eŭroj senspure malaperis el la banka konto de Internacia Esperanto-Instituto (IEI) en Hago, rakontas bone informitaj fontoj. La estraro de IEI laŭ la samaj fontoj longe ne konsciis pri la liko en la konto, ĉar al ĝi estis prezentataj falsaj konteltiroj. Reprezentantojde IEI ne respondas al mesaĝoj pri la asertata fraŭdo. Same ne respondas demandojn Atilio Orellana Rojas, la direktoro de IEI, kiu estis urĝe devigita forlasi sian postenon kaj sian loĝejon en la konstruaĵo de IEI.

Internacia Esperanto-Instituto estas malnova kaj finance solida institucio, fondita en la jaro 1930 de Andreo Cseh, la aŭtoro de la Cseh-metodo por instruado de Esperanto, kaj ges-roj Isbrücker.

IEI pli frue posedis du domojn en Hago, Nederlando. Antaŭ deko da jaroj la instituto vendis unu el la domoj kaj tiel havigis al si kapitalon (kvankam bonan parton utiligis je la funda renovigo de la restanta, la  IEI-domo). El tiu ĉi ili luigas nun parton, kaj tio donas konstantan enspezon.

Pro diversaj donacoj kaj heredaĵoj IEI havas financan bonhavon, per kiu ĝi interalie kunfinancas la eksterordinaran katedron pri Interlingvistiko kaj Esperanto ĉe la Universitato de Amsterdamo.. Lastatempe montriĝis tamen, ke mono de donacintoj en neplanita maniero malaperadis el bankkonto de IEI.

Laŭ informoj kolektitaj de Libera Folio, la estraro de Internacia Esperanto-Instituto en Hago dum longa tempo nenion sciis pri la malaperado de mono, ĉar al la estraro estis prezentitaj falsaj konteltiroj.

La likado de mono povis daŭri dum relative longa tempo, ĝis la komenco de oktobro, kiam unu el la estraranoj decidis kontroli la bonhavon de la konto memstare, rekte alirante la retejon de la banko. Tiam evidentiĝis, ke iu kun aliro al la ŝlosilvortoj de la reta banko eluzis sian pozicion kaj elprenis plurajn milojn da eŭroj el la kapitalo de IEI.

La 6-an de oktobro la direktoro de IEI, Atilio Orellana Rojas, kiu dum pli ol dek jaroj laboris en la instituto, estis subite eksigita el sia posteno. En la retejo de IEI aperis lakona informo: "Atilio Orellana Rojas ekde la 6-a de oktobro 2009 ne plu laboras ĉe IEI." En komuniko poste sendita al kelkaj Esperanto-gazetoj, la estraro de IEI abunde dankas aliajn kunlaborintojn. Pri la direktoro, kiu dum pli ol dek jaroj laboris ĉe la instituto, la komuniko konstatas nur, ke li "ne plu laboras ĉe IEI".

La 28-an de oktobro, tri semajnojn post la okazaĵo, Libera Folio turnis sin al la estraro de IEI por ekscii kial la direktoro de la instituto forlasis sian postenon. Ĝis nun venis nenia respondo. Informoj ricevitaj de Libera Folio el alia fonto sugestas, ke reprezentantoj de IEI subskribis juran sindevigon ne komuniki ion ajn pri la kaŭzoj de la eksigo.

La eventuala jura sindevigo povus rilati al la fakto, ke la eksa direktoro de IEI konsentis forlasi antaŭ la 1-a de decembro sian loĝejon, kiun li ĝis tiam tre favore luis en la domo de IEI. Laŭ la nederlanda juro, forigo de luanto kontraŭ ties volo estas tre komplika kaj ofte tute ne ebla. Simile malfacila cetere estas maldungo de multjara laboranto sen reciproka interkonsento.

Libera Folio la 12-an de decembro skribis al pluraj aktivaj retpoŝtaj adresoj de Atilio Orellana Rojas por peti lin rakonti, kial li subite forlasis sian postenon kaj sian loĝejon ĉe IEI, kaj ĉu lia foriro iel rilatas al la malkovr de monmanko en la kontoj de IEI. Neniu respondo alvenis ĝis nun.

----------------------------------------------------------

Ndlr: La tutan artikolon vi povas legi ĉe http://www.liberafolio.org/ -
kie vi povas aldoni ankaŭ vian personan komenton...

----------------------------------------------------------